Bunscoil náisiúnta lán-Ghaelach chomhoideachais le héiteas Caitliceach faoi phátrúnacht An tEaspag Caitliceach Fionnán Mac Gabhúin Corcaigh & Rois is ea Scoil Fhionnbarra

Bunaíodh an scoil sa bhliain 1982 leis na haidhmeanna seo a leanas:

(a)     Bunoideachas trí mheán na Gaeilge a chur ar fáil do dhaltaí as teaghlaigh gurb í an Ghaeilge an ghnáth-theanga iontu;
(b)     Bunoideachas trí mheán na Gaeilge a chur ar fáil do dhaltaí eile agus a chur ar a gcumas bheith ina gcainteoirí líofa Gaeilge;
(c)     Timpeallacht Ghaelach a chur ar fáil agus dúil sa Ghaeilge agus i saíocht na Gaeilge a chothú i measc na ndaltaí agus na dtuismitheoirí.   Is príomhchuspóir de chuid na scoile í an teanga a chothú.

Ciallaíonn ‘éiteas Caitliceach’ éiteas agus spiorad sainiúil an Eaglais Chaitlicigh Rómhánaigh, a chuireann chun cinn

1. forbairt iomlán na ndaltaí – idir intleachtúil, mhothálach, fhisiciúil, spioradálta, aeistéitiúil agus shóisialta
2. gaol beo le Dia agus le daoine eile
3. fealsúnacht saoil buaithe ar chreideamh i nDia agus saol, bás agus aiséirí Íosa; agus
4. oiliúint na ndaltaí sa chreideamh Caitliceach

Cuirimid oideachas reiligiúnda ar fáil do na daltaí de réir dhúnghaoisí , chleachtais agus thraidisiúin na hEaglaise Caitlicí Rómhánaí agus/ nó de réir mar a leagann Comhdháil Easpag na hÉireann amach.

De réir S.15 (2) (b) den Acht Oideachais 1998, seasfaidh Bord Bainistíochta na scoile le, agus beidh sé freagrach don phátrún as, spiorad sainiúil na scoile de réir na luachanna cultúrtha, oideachasúla, mórálta, reiligiúnda , sóisialta, teangúla agus spioradálta a threoraíonn chuspóirí agus reachtáil na scoile.

Is é ár nDúnghaois i Scoil Fhionnbarra ná sár-oideachas lán-Ghaelach Caitliceach a chur ar fáil do dhaltaí na scoile mar bhunscoil chomhoideachais.

Cuirimid ár nDúnghaois i bhfeidhm trí:

(a)     Chothrom na Féinne a thabhairt do Phobal na Scoile ar bhealach cairdiúil, cothrom, réasúnta
(b)     bhéim a chur ar fhorbairt Phobal na Scoile mar shaoránaigh d’Éirinn agus den domhan
(c)     mheas orainn féin agus ar dhaoine eile agus ar ár gcultúr Gaelach agus ar chultúir eile a chothú.
(d)     bhéim a chur ar shábháltacht agus ar shástacht dhaltaí
(e)     na daltaí a ullmhú don oideachas iarbhunscoile agus don saol amach rompu

Creidimid go bhfuil na haidhmeanna agus an dúnghaois seo ag teacht le fís na scoile.